KARHI: 2 wa tiawara
Papila leri ri na 5 wa tipheji na xitandzhaku xa 1.
XITSONGA: RIRIMI RO ENGETELA RA VUMBIRHI (SAL)
PAPILA RA 2 (P2)
GIREDI YA 12
SWITSUNDZUXO
Papila leri ri avanyisiwile hi SWIYENGE SWINHARHU:
XIYENGE XA A: Switshuriwa swa switsalwana
U languteriwa ku hlamula xivutiso XIN'WE eka xiyenge XIN'WANA NI XIN'WANA.
Sungula ku hlamula xivutiso XIN'WANA NI XIN'WANA eka pheji YINTSHWA u tlhela u nkhwatihata emakumu ka xiyenge xin'wana ni xin'wana.
Endla nkunguhato u nga si sungula ku tsala ntirho wa wena. Tirhisa pheji yin'we ntsena ku kombisa leswi u kunguhatiseke xiswona xitsalwana xa wena. Le henhla ka pheji leyi ku fanele ku tsariwa hi maletere lamakulu leswaku i NKUNGUHATO. U nga tirhisa mimepe yo hlengeleta miehleketo. Nkunguhato wu ta averiwa timaraka.
Tsala hi vurhon'wana (swi saseka no vonaka), u landzelela milawu leyi faneleke ya mapeletelo na mahikahatelo.
Vumba tinxaka to hambanahambana ta swivulwa hi ndlela leyi amukelekaka.
Landzelela swiletelo leswi andlariweke eka xivutiso xin'wana ni xin'wana.
XIYENGE XA A: SWITSHURIWA SWA SWITSALWANA
XIVUTISO XA 1
Swiletelo:
Hlawula nhlokomhaka YIN'WE ntsena leyi u yi twisisaka swinene, kutani u tsala xitsalwana hi yona, kambe u nga humi emhakeni.
Rhanga u endla NKUNGUHATO u nga si sungula ku tsala.
Xitsalwana xa wena xi fanele ku va kwalomu ka 200 - 250 wa marito.
Sungula nhlamulo ya wena eka pheji YINTSHWA.
Vatswari va wena va ku siyile u ri wexe ekaya ka n'wina, kutani nivusiku ku fikile swigevenga swi nghena endlwini ya ka n'wina. Hi rungulele leswi nga humelela.
KUMBE
N'wina vadyondzi va ka GIREDI 12 mi endleriwile ntlangu wo lelana na n'wina ni ku mi navelela mikateko mi nga si sungula ku tsala xikambelo xo hetelela. Hi rungulele leswi ntlangu lowu wu nga fambisa xiswona.
KUMBE
Munhu wo fana ni loyi a kombisiweke eka xifaniso lexi nga laha hansi a nga ka a nga rivariwi eka matimu ya laha Afrika-Dzonga. Hi paluxele hinkwaswo leswi u swi tivaka hi yena.
KUMBE
Ntlangu wa khirikete lowu u nga ta ka u nga wu rivali.
KUMBE
A ku ri ni mphikizano wa vuyimbeleri. Hi rungulele leswi mphikizano lowu wu nga fambisa xiswona.
KUMBE
A wu yisile kokwa wa wena exibedhlele ku ya kamberiwa eka mavabyi ya yena. Kambe vaongori va xibedhlele lexi a mi yile eka xona a va mi khomangi kahle. Hlamusela leswi nga humelela.
XIVUTISO XA 2
Swiletelo:
Hlawula nhlokomhaka YIN'WE ntsena leyi u yi twisisaka swinene kutani u tsala xitsalwambiko hi yona, kambe u nga humi emhakeni.
Rhanga u endla NKUNGUHATO u nga si sungula ku tsala.
Xitsalwambiko xa wena xi fanele ku va kwalomu ka 80 - 100 wa marito.
Sungula nhlamulo ya wena eka pheji YINTSHWA.
Ku ta va ni ntlangu lowukulu exikarhi ka swipano swa bolo ya milenge etikweni ra ka n'wina. Tsala n'wangulano exikarhi ka vaseketeri vambirhi va swipano leswi.
KUMBE
Ku vile ni nghozi ya movha leyi u yi voneke hi mahlo. Tsala xiviko xa leswi nga humelerisa xiswona.
KUMBE
Munghana wa wena u loveriwile hi vatswari va yena hi ku landzelelana. Tsala papila u n'wi chavelela.
NTSENGO WA XIYENGE XA B:
XIVUTISO XA 3
Swiletelo:
Hlawula nhlokomhaka YIN'WE ntsena leyi u yi twisisaka swinene kutani u tsala xitsalwambiko hi yona, kambe u nga humi emhakeni.
Rhanga u endla NKUNGUHATO u nga si sungula ku tsala.
Xitsalwambiko xa wena xi fanele ku va kwalomu ka 60 - 80 wa marito.
Sungula nhlamulo ya wena eka pheji YINTSHWA.
Vanhu lava vonakaka eka xifaniso lexi va tisungulerile tlilaba yo veka mali leyi va yi thyeke vito ra Sonke Savings Club. A va si endla nchumu handle ko yi thya vito no twanana leswaku mali yo joyina i R100.00 hi munhu. Tsala switsundzuxo leswi swi nga ta va pfuna leswaku tlilaba ya vona yi nga wi.
Xifaniso xi huma eka Magazini ya Move, ya Mudyaxihi 2008
KUMBE
Ku ta va na nhlengeletano ya vantshwa endhawini ya ka n'wina. Tsala phositara u tivisa hi ta nhlengeletano leyi.
KUMBE
Tata fomo leyi landzelaka ya xilipi xo veka mali ebangini leyi nga eka Xitandzhaku xa 1. Tsundzuka ku susa pheji leyi nga na fomo u yi nghenisa eka buku yo hlamumelala eka yona.
NTSENGO WA XIYENGE XA C:
NTSENGO WA TIMARAKA:
TIRHANDI
TISENTE
KHEXE
CHEKE
NTSENGO
XITANDZHAKU XA 1
XIYA: SUSA PHEJI LEYI U YI NGHENISA EKA BUKU YO HLAMULELA EKA YONA
Fomo yo veka mali:
Xilipi xo veka mali
Siku: .../.../20...
Rhavi: -------------------------------
Vito ra akhawunti: -----------------------------
Nomboro ya akhawunti:
Vito:---------------------------
Riqingho:-----------------------
